Испания чемпионатининг 32-туридан ўрин олган учрашувда «Реал Мадрид» «Севилья»дан ғалабани тортиб олди. Табиийки, Карим Бензема жамоасининг ғалаба тўпини киритди.
Бу унинг Мадрид клуби таркибида Испания чемпионати олий лигасидаги 217-голи бўлди ва бу орқали ўтган асрнинг 50-йилларидаги клуб афсонаси Алфредо Ди Стефанони ортда қолдирди.
Бенземанинг олдида «Реал» сафида Ла Лига доирасида 228 та гол урган афсонавий футболчи Рауль турибди.
Бу борада мутлақ етакчи Криштиану Роналду ҳисобланади. Португалиялик форвард «Реал Мадрид» таркибида Испания чемпионати доирасидаги ўйинларида 312 та гол уришга эришган.
