«Мидлсбро»да ижара асосида ўйнаётган «Арсенал» ҳужумчиси Фоларин Балогун «Фулхэм» қизиқишлари доирасига тушиб қолди, деб хабар беради Daily Mail.

Манбага кўра, «Фулхэм» Балогунни мавсум жамоанинг асосий футболчиси сифатида кўрмоқда. Айни пайтда клуб 42 учрашувдан кейин 83 очко билан Чемпионшип турнир жадвалида ишончли тарзда пешқадамлик қилмоқда. Иккинчи ўриндаги жамоа билан орадаги фарқ тўққиз очкони ташкил қилади. Шу сабаб, футболчининг ўзи «Крейвен Коттеж»га ижарага ўтишга қарши эмас.

Балогун «Мидлсбро» сафида 2022 йилнинг январидан буён тўп тепади. Мавсум охирида у «Арсенал»га қайтади. Унинг Лондон клуби билан шартномаси 2025 йилнинг ёзига қадар мўлжалланган.

Чемпионшипда 20 ёшли англиялик футболчи 15 та ўйин ўтказиб, 3 та гол ва 2 та голли узатмани амалга оширди. Футболчининг нархи 4 млн еврони ташкил қилади.