«Бавария» ҳужумчиси Томас Мюллер Мюнхен клуби билан шартномани узайтириш бўйича музокаралар қандай кетаётгани ҳақида гапирди.
«Музокаралар яхши кетмоқда. Иккала томон ҳам шартномани узайтирмоқчи. Ўйлайманки, бу яқин орада амалга ошади», - дея Мюллернинг сўзларини келтиради Bayern & Germany нашри.
32 ёшли германияликнинг амалдаги шартномаси ёзда якунига етади.
Жорий мавсумда футболчи «Бавария» сафида 42 ўйин ўтказиб, 11 гол ва 23 голга ассистентлик қилган. Мюллер Мюнхен клубининг тарбияланувчиси бўлиб, бутун профессионал фаолияти давомида ушбу жамоа шарафини ҳимоя қилади.
