"Манчестер Юнайтед" бош мураббийи Ральф Рангник АПЛнинг 30-турида "Ливерпул"га қарши бўлажак ўйин ҳақида фикр билдирди. Мутахассис ўз жамоаси "қизиллар"ни қандай мағлуб этиши мумкинлигини аниқ айтиб берди.
“Агар биз ўз даражамизни ошириб, юқори ўйин кўрсатсак, 3 очко учун имконият бор. "Ливерпул"даги ўйинга катта орзуларимиз бор.
Вазифа зич ҳаракат қилиш ва чизиқлар орасидаги мувозанатни топишдир. Биз “Ливерпул”нинг тажовузкор ҳужумига қарши дарвозани қандай ҳимоя қилишни тушунишимиз керак. Ижобий натижага ишониш учун ҳимояда зўр ўйнаш керак", - деди Рангник "Манчестер Юнайтед" матбуот хизматига.
