"Милан" клуби ҳуқуқига эгалик қилувчи Elliott Management фонди ҳозирда Investcorp компанияси билан клубни 1,1 миллиард долларга сотиб олиш бўйича музокаралар олиб бораётгани бугун расман тасдиқланди.
Баҳрайн инвестиция жамғармаси «россонерлар»ни сотиб олишдан жуда манфаатдор ва жамоанинг салоҳиятига ишонмоқда. Қайд этилишича, Investcorp клубнинг трансферларига сармоя киритиш ниятида ва узоқ муддатли лойиҳага тайёр.
Шунингдек, Investcorp «россонерлар» мухлисларини янги жамоа эгалари ҳақида хабардор қилиш мақсадида ўз фаолияти ва тарихи ҳақида батафсил пост жойлаштирди.
