«Манчестер Юнайтед» бош мураббийи Ральф Рангник жамоа ярим ҳимоячиси Пол Погба «Ливерпул»га қарши ўйин арафасида рўза тутишда давом этишини айтди.
“У футболчи сифатида, профессионал сифатида бунга кўникиб қолган. Мен у билан бу ҳақда гаплашмадим, бу унинг ўйинига таъсир қилмайди. Билишимча, у рўза тутади, лекин айтганимдек, бу ҳақда у билан шахсан гаплашмадим.
Бошқа клубларда рўза тутган футболчилар кўп. Мен «Ливерпул»нинг камида битта футболчисини ҳам биламан. У менинг ўйинчим эди, у ҳам рўза тутади. Бу - Иброҳим Конате», — деди Рангник Goal порталига.
20 апрель куни «Манчестер Юнайтед» Англия Премьер-лигасининг қолдирилган 30-тури доирасида «Ливерпуль» билан ўйнади.
Ўйин «Энфилд» стадионида Тошкент вақти билан 00:00да бошланади.
