Европа футбол ассоциациялари иттифоқи (УЕФА) Чемпионлар лигасида клублар рейтинги бўйича иккита ўринни бериш режасидан воз кечиши мумкин, деб хабар бермоқда The Times.
Аввалроқ ташкилот миллий чемпионат натижаларига кўра, Чемпионлар лигасига йўлланмани қўлга кирита олмаган, лекин Европа лигасига йўлланма олган ёки мамлакат кубогини қўлга киритган жамоалар иккита йўлланма учун кураша олишини режалаштирган эди. Манбага кўра, УЕФА бу фикрдан воз кечиши мумкин. Яқин кунларда музокаралар олиб борилади, унинг натижасида ушбу масала бўйича қарор қабул қилинади.
Эслатиб ўтамиз, ҳозирда Чемпионлар лигасида 32 та жамоа иштирок этади. 2024 йилдан бошлаб иштирокчилар сони 36 тага етказилади.
