Manchester Evening News нашри хабарига кўра, «Манчестер Юнайтед» ёзда ўз сафига марказий ҳимоячи қўшиб олмоқчи.
Манбанинг хабарига кўра, «қизил иблислар» мавсум сўнггида клуби билан шартномаси тугайдиган «Челси» ҳимоячиси Антонио Рюдигернинг агентлари билан дастлабки музокаралар олиб борди.
Бироқ, бу трансферни амалга ошириш деярли мумкин эмаслиги, немис футболчиси келаси мавсумда Чемпионлар лигасида иштирок этиши кафолатланган жамоалар билан музокаралар олиб бораётгани қайд этилган.
Бундан ташқари, аввалроқ Рюдигер йилига 12,5 миллион евро олмоқчи эканлиги ҳақида маълумотлар пайдо бўлганди.
