Испания чемпионатининг 32-туридан ўрин олган сўнгги ўйинда «Барселона» ўз майдонида сенсацион тарзда «Кадис»га имкониятни бой берди – 0:1.

Ушбу муваффақиятсизлик «кўк-анорранглилар» мухлисларининг Ла Лигадаги чемпионликни қўлга киритиш орзуларига амалда чек қўйди ва бир вақтнинг ўзида иккита серияни тўхтатди.

Биринчидан, «Барселона» қаторасига ўн бешта ўйинда мағлуб бўлмади. Хави шогирдлари сўнгги марта ўтган йилнинг 4 декабрида «Бетис»дан мағлубиятга учраган эди.

Иккинчидан, Каталония грандининг 13 февраль куни, яни икки ойдан сал кўпроқ вақт олдин «Эспаньол»га қарши кечган ўйиндаги дурангдан кейин бошланган «Барселона»нинг етти ўйинлик ғалабали серияси ҳам тўхтатди.