Football Insider нашри хабарига кўра, «Эвертон» Ришарлисон ва Доминик Калверт-Льюин борасида бошқа клубларнинг таклифларини кўриб чиқишга тайёр.

Манбага кўра, Ливерпул клуби раҳбарияти таркибни қайта қуриш ниятида, бироқ бунинг учун улар биринчи навбатда ҳозирги етакчиларини сотишдан пул ишлашлари керак. Ҳужумчиларга асосий давогарлар қаторида «Арсенал» ва «Манчестер Юнайтед» клублари бор.

24 ёшли Ришарлисон жорий мавсумда «ирислар» сафида 26 та ўйинда майдонга тушиб, 7 та гол ва 4 та голли узатмани амалга оширди. Трансфермаркт портали Бразилия терма жамоаси футболчисини 50 миллион еврога баҳолади.

25 ёшли Калверт-Льюин 14 ўйинда 3 та гол ва 1 та голли узатмани амалга оширди. Инглиз футболчиси 42 миллион еврога баҳоланмоқда.