Football Insider nashri xabariga ko‘ra, «Everton» Risharlison va Dominik Kalvert-Lyuin borasida boshqa klublarning takliflarini ko‘rib chiqishga tayyor.
Manbaga ko‘ra, Liverpul klubi rahbariyati tarkibni qayta qurish niyatida, biroq buning uchun ular birinchi navbatda hozirgi yetakchilarini sotishdan pul ishlashlari kerak. Hujumchilarga asosiy davogarlar qatorida «Arsenal» va «Manchester Yunayted» klublari bor.
24 yoshli Risharlison joriy mavsumda «irislar» safida 26 ta o‘yinda maydonga tushib, 7 ta gol va 4 ta golli uzatmani amalga oshirdi. Transfermarkt portali Braziliya terma jamoasi futbolchisini 50 million yevroga baholadi.
25 yoshli Kalvert-Lyuin 14 o‘yinda 3 ta gol va 1 ta golli uzatmani amalga oshirdi. Ingliz futbolchisi 42 million yevroga baholanmoqda.
