Ўзбекистон миллий терма жамоасининг ЖЧ-2014 IV саралаш босқичидан ўрин олган Эрон миллий терма жамоасига қарши ўйини 3 июнь куни «Жар» стадионига кўчирилгани ва ўйин соат 19:00 да бошланиши хабар қилинган эди.
Бунга қадар Ўзбекистон футбол федерацияси ФИФА рўйхати учун «Пахтакор» стадионини уй аренаси сифатида кўрсатганди. Айни вақтда «Пахтакор» стадиони майсаси алмаштирилмоқда. Майдон Эронга қарши ўйингача тайёр бўлмаслиги аниқ. Шу сабабли Ўзбекистон миллий терма жамоаси тўртинчи саралаш босқичини «Жар» стадионидаги ўйин билан бошлайди.
Бу ҳақда Ўзбекистон футбол федерацияси вице-президенти Сардор Раҳматуллаев ФИФАга расмий мактуб ҳам йўллаган.
Кузатувчилар "Жар" стадионида ўтган аввалги расмий ўйинлардан келиб чиқиб, Ўзбекистон - Эрон ўйинига кириш чипталари нархини ҳам тахмин қилиб бўлишди. Афтидан, ўйинга 7000 дона чипта чиқарилади ва уларнинг нархи класслар бўйича қуйидагича қилиб белгиланади:
1 тоифали чипта – 15.000 сум (1500 дона)
Олий тоифали чипталар – 25.000 сум (5500 дона)
CIP – 30.000 сум (800 дона)
VIP – 40.000 сум (200 дона)
