Англиянинг «Манчестер Сити» футболчиси Раҳим Стерлинг келажакдаги фаолияти ҳақида бир қарорга келишга шошилмаяпти.
27 ёшли футболчининг амалдаги шартномаси келаси йилнинг июнь ойида якунига етади. Яқинда Стерлингга Италиянинг «Милан» клубидан қизиқиш борлиги маълум бўлди. Шунингдек, ОАВ хабарларига кўра, «Барселона» инглиз футболчисини кузатиб бормоқда.
Бироқ вингер яқин вақт ичида «Манчестер Сити» билан янги шартнома тузишни ёки бошқа клублар билан музокаралар олиб боришни режалаштирмаяпти. У мавсум охиригача бутун эътиборини жамоа билан совринларни қўлга қаратишга қарор қилди, дея хабар бермоқда Mirror.
Шу тариқа, Стерлинг ўз келажаги ҳақидаги барча қарорларни ёзгача қолдиради.
