Лондоннинг Челси клуби бош мураббийи вазифасини вақтинчалик бошқариб турган италиялик мутахассис Роберто Ди Маттео бугун "Ливерпуль" клубига қарши кечадиган Англия кубоги финалидан олдин, ўз жамоасининг имкониятлари ҳақида сўз юритди.
"Ливерпуль"га қарши ўйнаш бизнинг жамоа учун доимо қийин бўлиб келган. Уларда ажойиб мураббий ва футболчилар бор.", дейди Ди Маттео.
"Бу ўйинда иккала жамоага ҳам ғалаба керак. Ўйин жуда қизиқарли бўлади деб ўйлайман. Таркибимизда бир қатор йўқотишлар борлигига қарамай, бугун биз жуда оптимистик кайфиятдамиз. Бундан совринни ҳар доим ҳам ютавермайсан".
"Кенни Далглиш кучли мураббий. У бу мавсумда ўз жамоаси билан битта совринни ютиб олишга муваффақ бўлди. "Ливерпуль" ҳам бугун фақат ғалаба учун майдонга тушади", дея италиялик мураббийнинг интервьюсида парча келтириб ўтди Лондонликлар расмий сайти.
