Бразилия терма жамоаси жамоага янги бош мураббий топиш борасида фаол иш олиб бормоқда.
«Селесао»нинг амалдаги устози Титенинг шартномаси 2022 йилнинг охирида, Қатардаги жаҳон чемпионати якунлангандан сўнг тугайди. Шу сабаб Бразилия футбол федерацияси бош мураббийлик лавозимига потенциал номзод қидирмоқда.
Tuttomercatoweb нашри хабарига кўра, раҳбарият ҳозирда «Бетис»ни бошқараётган Мануэль Пеллегрини билан музокараларни бошлаб юборган. 68 ёшли чилилик мутахассиснинг испан клуби билан шартномаси 2025 йилгача мўлжалланган, шунинг учун бразилияликлар келишувни якунлаш учун тахминан 5 миллион евро тўлашлари керак.
Мануэль Пеллегрини Испаниянинг «Вильярреал» ва «Реал», шунингдек, Англиянинг «Манчестер Сити» ва «Вест Хэм» клубларидаги фаолияти билан танилган.
