«Манчестер Юнайтед» вақтинчалик бош мураббийи Ральф Рангник АПЛнинг 30-тури доирасида «Ливерпуль»дан учралган мағлубият (0:4) ҳақида фикр билдирди.
«Бошқача таркиб ҳеч нарсани ўзгартиради деб ўйламайман. Ўтказиб юборган биринчи гол режамизга кирмади. Устунлик биз томонда эди ва беш дақиқадан сўнг қарши ҳужумни ўтказиб юбордик. Бу ўйиннинг боришини ўзгартирди. Кейин биз ҳар жиҳатдан иккинчи жамоа бўлдик.
Бу шармандали, кўнгли қолдиради ва ҳатто камситади. Тан олишимиз керакки, улар ҳозир биздан олти йил олдинда. Юрген Клопп келгач, клубда нафақат жамоани, балки клубни ва шаҳарни янги босқичга кўтарган ўзгаришлар бўлди. Кейинги трансфер ойналарида биз билан ҳам шундай бўлиши керак», - дея Рангникнинг сўзларини келтиради BBC Sport.
