"Ливерпуль" бош мураббийи Юрген Клопп "Манчестер Юнайтед" ҳужумчиси Криштиану Роналдуни мухлислар томонидан қўллаб-қувватлангани ҳақида фикр билдирди. Учрашувнинг еттинчи дақиқасида “Ливерпуль” мухлислари бир кун аввал янги туғилган ўғли вафот этганини маълум қилган Роналдуни олқишлар билан қўллаб-қувватлашди.
“Бу яхши қўллаб-қувватлаш ҳаракати эди. Бизнинг фикримиз Криштиану ва унинг оиласи бидан. Унга ҳамдардмиз", - дея Клоппнинг сўзларидан иқтибос келтиради BBC.
Эслатиб ўтамиз, 30-тур учрашуви "Ливерпуль"нинг ғалабаси билан якунланди. Баҳс Ливерпулдаги “Энфилд” стадионида бўлиб ўтди ва 4:0 ҳисобида мезбонлар фойдасига ҳал бўлди.
