«Ювентус» ҳимоячиси Алекс Сандро ёзги трансфер ойнасида жамоани тарк этиши мумкин, дея хабар беради журналист Никола Скира.
Манбага кўра, Сандро «бьянконерилар»нинг келаси мавсумдаги режаларига киритилмаган, чунки Турин клуби раҳбарияти ўз таркибини ёшартирмоқчи.
Бразилиялик футболчи 2015 йилда «Порту»дан 28 миллион евро эвазига «Ювентус»га ўтганди. Унинг шартномаси 2023 йилнинг ёзига қадар мўлжалланган.
Олдинроқ ҳимоячига «Барселона» ва «Челси» клублари қизиқиш билдираётгани ҳақида хабарлар тарқалган эди.
Жорий мавсумда 31 ёшли футболчи «зебралар» сафида барча турнирларда 33 та ўйин ўтказиб, битта гол ва битта голли узатмани амалга оширди. Футболчининг Трансфермарктдаги нархи 9 млн еврони ташкил қилади.