Англия чемпионати 37-турнинг илк учрашуви якунланди. Узоқ вақт учинчи ўринда борган Венгер шогирдлари эртагаёқ, ҳатто ЕЧЛ йўлланмасидан ҳам қуруқ қолишлари мумкин.
Лондонликлар учун жуда омадли бошланган учрашувнинг биринчи таймидаёқ меҳмонлар вазиятни ўз фойдаларига оғдира олдилар ва ҳисобда олдинга чиқиб олдилар. Аммо иккинчи таймда "Арсенал" ҳужумларни кучайтира олди ва Робин ван Персининг икки зарбаси голга айланди. Гуёки барча саволларга жавоб берилгандек туюлган бир пайтда эса, Морисон ўнг қанотдан ёриб кириб, дарвозасининг узоқ бурчагини нишонга олди - 3:3. Қизиғи, бу зарба меҳмонларнинг бутун учрашув давомидаги тўртинчи аниқ зарбалари эди холос.
Уёғига мезбонлар тинмасдан ҳужум уюштиришди, ван Персининг ўзи икки марта ўта қулай имкониятни бой берди. Бир вазиятда эса ҳакам пенальти белгилашни истамади. Шундай қилиб, энди, "Арсенал" ҳисобида 67 очко бор. Бирминҳэмга сафар қиладиган "Тоттенҳэм" ва "Сити"ни қабул қиладиган "Ньюкасл" ҳисобида эса 65 тадан очко бор. Демак, мабодо бу жамоалар эртага ғалаба қозонишса, "Арсенал" ҳатто бешинчи ўринга тушиб кетиши мумкин.
АРСЕНАЛ - НОРВИЧ 3:3
Голлар: Бенаюн (2), ван Перси (72, 80) - Хулахан (12), Холт (27), Морисон (85)
Арсенал: Шченсни, Санья (Коклен, 33), Косьельни, Вермален, Гиббс, А.Сонг, Росицки, Рэмзи (Окслейд-Чемберлен, 63), Бенаюн (Шамах, 69), ван Перси, Жервиньо.
Норвич: Радди, Нотон, Беннетт, Мартин, Беннетт, Жонсон, Лэппин, Хулахан (Пилкингтон, 74), Хаусон, Жексон (Морисон, 68), Холт (Уилбрэм, 81).
Огоҳлантиришлар: Рэмзи (20), Жексон (29), Вермален (45), Хулахан (60), Уилбрэм (90).
