"Челси" бош мураббийи Томас Тухель италиялик ярим ҳимоячи Жоржиньо билан боғлиқ вазият ҳақида гапирди.
Тухелнинг айтишича, ярим ҳимоячи жорий мавсумда жароҳат билан ўйнашга мажбур бўлган ва ўзини жамоа учун қурбон қилган. Томаснинг таъкидлашича, Жоржиньо Италия терма жамоасида ўйнаганида дуч келган улкан босимни эътиборсиз қолдирмаслик керак. Мураббийнинг қўшимча қилишича, футболчига психологик жиҳатдан қийин бўлган.
Эслатиб ўтамиз, жорий мавсумда Жоржиньо Англия чемпионатида 24 та учрашув ўтказиб, 6 та гол ва иккита голли узатмага муаллифлик қилган.
