Каталониянинг "Барселона" клуби бош мураббийи Хави Эрнандес Испания чемпионати доирасида "Реал Сосьедад"га қарши ўйинда ўнг қанот ҳимоясида кимлар майдонга тушиши ҳақидаги журналистларнинг саволига жавоб берди.
“Сержиньо Дест “Кадис”га қарши яхши ўйнади. Алвеш ўша ўйинда майдонга тушмади, чунки у аввалроқ "Леванте"га қарши ўйинда тўпиғидан жароҳат олганди. Шунга қарамай, у захира ўриндиғида ўтиришга рози бўлди. У жамоага жуда содиқ", - деди Хави матбуот анжуманида.