«Аякс» ҳимоячиси Лисандро Мартинес «Барселона» қизиқишлари доирасига тушиб қолди.
24 ёшли аргентиналик футболчи ҳимоя марказида ҳам, чап қанотда ҳам ўйнай олади. Журналист Виктор Малонинг сўзларига кўра, «Барселона» Мартинеснинг ўйинларини диққат билан кузатиб бормоқда.
Каталонияликлар бош мураббийи Хави Эрнандес футболчини тажрибали Жорди Альбанинг ўрнини босадиган идеал футболчи сифатида кўрмоқда. Хабарларга кўра, Мартинеснинг ўзи ҳам «Барселона»га кўчиб ўтмоқчи ва у аллақачон Каталонияда яшаш учун жой изламоқда.
Аргентиналик футболчининг «Аякс» билан шартномаси 2025 йилнинг ёзига қадар тузилган. Трансфернинг тахминий қиймати 30 миллион еврога баҳоланмоқда.
