«Барселона» бош мураббийи Хави Эрнандес жароҳати сабаб мавсумнинг қолган қисмида майдонга туша олмайдиган ярим ҳимоячи Педрининг аҳамияти ҳақида гапирди.
19 ёшли футболчи Европа лигаси доирасида Германиянинг «Айнтрахт» жамоасига қарши ўйинда жароҳат олганди. Испаниялик футболчи ёзда майдонга қайтиши айтилган.
«Барселона»нинг Педри билан ва Педрисиз статистик маълумотлари эътиборга молик: вундеркинд иштирокидаги ўйинларда каталонияликлар усиз ўйинларга қараганда 40% кўпроқ очко тўплашган.
«Педри - «Барселона»нинг асосий ўйинчиси. Буни статистиканинг ўзи кўрсатиб турибди. 19 ёшида у бизнинг ўйин реажаларимизни максимал даражада тушунади ва унинг йўқлиги биз учун оғир зарба бўлди», - дея тан олди Хави.
