Лондоннинг «Челси» клуби янги хўжайини номини қайси санада эълон қилиши маълум бўлди. The Telegraph нашри мухбири Мэтт Лоунинг сўзларига кўра, «кўклар» 31 майдан кечиктирмай янги раҳбарларини таништиради.
Айнан шу куни Англия ҳукумати томонидан вақтинчалик берилган футбол фаолиятини амалга ошириш учун лицензия муддати тугайди.
Эслатиб ўтамиз, жорий қилинган санкциялар туфайли «Челси» ҳозирда ўйинчиларни сота олмайди ва сотиб ололмайди, шунингдек, футболчилар билан янги шартнома ҳам туза олмайди. Бу ҳолат ҳимоячилар Антонио Рюдигер ва Андреас Кристенсеннинг «Стемфорд Бриж»даги келажагини ноаниқ бўлишига олиб келмоқда.
