"Манчестер Юнайтед" ярим ҳимоячиси Поль Погба жамоани тарк этишга қарор қилди. Ёзда у бошқа клубга ўтиш ниятида, деб хабар беради Sky Sports.
Олдинроқ 29 ёшли франциялик футболчи "ПСЖ" билан шартнома имзолаши мумкинлиги ҳақида хабарлар тарқалган эди. Шартнома тўрт йилга мўлжалланган бўлади.
Жорий мавсумда Погба манкунианликлар сафида 25 та ўйинда майдонга тушиб, 1 та гол урди ва 9 та голли узатмани амалга оширди. Унинг клуб билан шартномаси 2022 йилнинг 30 июнига қадар мўлжалланган.
Трансфермаркт маълумотларига кўра, франциялик футболчининг бозор нархи 55 миллион еврони ташкил қилади.
