Испания чемпионатининг 37-тур ўйинлари ниҳоясига етди. Учрашувларнинг барчаси бир вақтда бошланди ва айтиш мумкинки, бир нечта муҳим саволларга жавоблар олинди. 

Ўз майдонида ғалаба қозонган "Валенсия" учинчи ўринга мустаҳкам жойлашиб олди ва жамоанинг келаси мавсумда ЕЧЛ да қатнашиши анқи бўлди. Уни таъқиб этиб келган "Малага" ва "Леванте" клублари мағлубиятга учрадилар. 

Айниқса, "Леванте"нинг аҳволи ёмонлашди, жамоа биратўла еттинчи поғонага тушиб кетди. Энди тўртинчи ўрин учун "Атлетико" ҳам курашга қўшилди. Сўнгги турда хихонликларни қабул қиладиган "Малага" клубида имконият бирмунча яхшироқ кўринмоқда. 

Лигада жон сақлаб қолувчи ўринлар учун, биратўла беш жамоа кураш олиб бормоқда. "Гранада" (42) бу бешликда фаворитт бўлса-да, сўнгги турда "Райо" (40) меҳмони бўлади. "Вильяреал" ва "Сарагоса" клубларида мос равишда  41 ва 40 очкодан мавжуд. 

Месси Каталония дербисида покерга эришди ва голлари сонини 50 тага етказиб олди. У билан мавсум давомида "Олтин бутса" учун курашган Роналду ҳисобида эса, энди 45 та гол мавжуд. Роналду "Гранада" дарвозасига пенальтини аниқ амалга ошириб, фаолиятидаги 300-голни киритди. Шунингдек, Месси мавсум бўйича урган голларини 71 тага етказиб, ўз рекордини янгилаб бормоқда. 

ГРАНАДА - РЕАЛ МАДРИД 1:2

Голлар: Хара (5) - Роналду (80), Кортес (90, автогол)

БАРСЕЛОНА - ЭСПАНЬОЛ 4:0

Голлар: Месси (12, 64 пенальтидан, 74, 79 пенальтидан)

ВАЛЕНСИЯ - ВИЛЬЯРЕАЛ 1:0

Гол: Жонас (90)

ОСАСУНА - РЕАЛ СОСЬЕДАД 1:0

Гол: Бальде (14)

СПОРТИНГ ХИХОН - БЕТИС 2:1

Голлар: Сангой (13 пенальтидан, 55) - Молина (45)

МАЛЬОРКА - ЛЕВАНТЕ 1:0

Гол: Пина (54)

СЕВИЛЬЯ - РАЙО ВАЛЬЕКАНО 5:2

Гогллар: Баба (31, 47), Капа (43), Рейес (65), Канут (81) - Коста (37 пенальтидан, 77)

АТЛЕТИК - ХЕТАФЕ 0:0

САРАГОСА - РАСИНГ 2:1

Голлар: Поштига (13), Лафита (78) - Кристиан (11)

АТЛЕТИКО - МАЛАГА 2:1

Голлар: Коке (69), Адриан (79) - Элизеу (38)