«Реал Мадрид»нинг иккинчи жамоасига устозлик қилаётган испаниялик мутахассис Хаби Алонсо асосий жамоанинг италиялик устози Карло Анчелоттининг натижаларини юқори баҳоламоқда. Алонсонинг фикрича, Анчелотти доно инсон ва шу туфайли кўплаб натижаларга эришган.
- Карло Анчелотти — доно инсон. У жумбоқни қандай қилиб ечишни билади. У кўп жамоаларда ишлаган, шунинг учун ҳам катта тажрибага эга. Ҳозирда у ўзи жамоани топди ва уни яхши бошқармоқда. «Реал Мадрид» Испанияда чемпионлик фаворити ҳисобланади. Ҳозирда у Ла Лигадаги энг барқарор жамоа ҳисобланади. Чунки клуб ҳозир яхши ҳолатда - деди Алонсо.
