«Севилья» бош мураббийи Хулен Лопетеги «Манчестер Юнайтед»дан ижарага олинган Антони Марсьял билан боғлиқ вазият ҳақида гапирди.
«Биз Антони Марсьялнинг келажаги ҳақида гапира олмаймиз. Ҳозир хулоса чиқаришга эрта», - дейди испаниялик мутахассис.
Инсайдер журналист Фабрицио Романонинг ёзишича, франциялик ҳужумчи «Манчестер Юнайтед»га қайтади, чунки «Севилья» 26 ёшли футболчини сотиб олиш ёки ижара муддатини узайтириш бўйича музокараларга киришмаган. Марсьялнинг келажаги борасидаги қарорни мавсум охирида «Юнайтед»ни бошқариши кутилаётган Эрик тен Хаг қабул қилади.
Маълумот ўрнида, Антони Марсьял «Севилья» сафида 11 та ўйин ўтказиб, 1 та гол ва 1 та голли узатмани амалга оширди.
