«Sevilya» bosh murabbiyi Xulen Lopetegi «Manchester Yunayted»dan ijaraga olingan Antoni Marsyal bilan bog‘liq vaziyat haqida gapirdi.

«Biz Antoni Marsyalning kelajagi haqida gapira olmaymiz. Hozir xulosa chiqarishga erta», - deydi ispaniyalik mutaxassis.

Insayder jurnalist Fabrisio Romanoning yozishicha, fransiyalik hujumchi «Manchester Yunayted»ga qaytadi, chunki «Sevilya» 26 yoshli futbolchini sotib olish yoki ijara muddatini uzaytirish bo‘yicha muzokaralarga kirishmagan. Marsyalning kelajagi borasidagi qarorni mavsum oxirida «Yunayted»ni boshqarishi kutilayotgan Erik ten Xag qabul qiladi.

Ma’lumot o‘rnida, Antoni Marsyal «Sevilya» safida 11 ta o‘yin o‘tkazib, 1 ta gol va 1 ta golli uzatmani amalga oshirdi.