«Монако» ярим ҳимоячиси Александр Головин «Ницца» жамоаси дарвозасига киритган голидан кейинги фикрлари билан ўртоқлашди.

- Ғалабадан ҳам, голимдан ҳам хурсандман, жуда муҳим учрашувда ғалаба қозондик. «Монако» ва «Ницца» учрашувларига қизиқиш доимо ортиб боради, бу дерби, шунинг учун ўйинлар олдидан маълум бир ҳаяжон бор.

Ҳар икки жамоа ҳам мухлисларни хурсанд қилиш учун ғалаба қозонишга ҳаракат қилмоқда. Қолаверса, бу сафар кўп нарса турнир нуқтаи назаридан ҳал қилинди. Бу 6 очколик ўйин эди. Албатта, биз ғалаба қозонишимиз керак эди ва буни уддалаганимиз ажойиб.

- Жамоа Чемпионлар лигаси йўлланмаси учун кураша оладими?

- Биз курашамиз, бунинг учун қўлимиздан келганини қиламиз, ҳар қандай имкониятга ёпишиб оламиз. Олдинда ҳали ўйинлар бор, биз ғалаба қозонишимиз ва ўзимизга боғлиқ бўлган ҳамма нарсани қилишимиз керак”, - деди Головин.