«ПСЖ» дарвозабони Кейлор Навас жамоадаги ҳолатидан норозилигини билдириб, клубдан кетиши мумкинлигига ишора қилди. 2021/22 йилги мавсумда Навас «ПСЖ»да биринчи рақамли дарвозабон мақомини йўқотди, чунки 23 ёшли Жанлуиджи Доннарумма клубга келди. 35 ёшли Навас жорий мавсум парижликлар сафида 22 та ўйинда майдонга тушиб, 21 та гол ўтказиб юборган бўлса, Доннарумма 22 ўйинда 20 марта дарвозасидан тўп олиб чиқди.
Бугунги «Анже» билан ўйинда «ПСЖ» мураббийлар штаби Навасга ишонч билдиришди ва у умидсизликка тушмади. Коста-Рикалик кипер бугунги баҳсда нолга ўйнади ва парижликлар 3:0 ҳисобида ғалаба қозонишига ҳисса қўшди.
«Мен Парижда бахтлиман. Доннарумма билан яхши муносабатдаман, аммо барча учрашувларда майдонга тушмоқчиман. Келажакда бу мавсумдагидек бўлишини истамайман. Вазият ўзгариши керак», - деди Навас.
