"Манчестер Юнайтед" клуби "Лацио" ярим ҳимоячиси Сергей Милинкович-Савичга қизиқиш билдирмоқда, деб хабар бермоқда The Sun.
Манбага кўра, "Лацио" ярим ҳимоячини кейинроқ бепул қўйиб юбормаслик учун уни ёзда сотишга тайёр. Сербнинг шартномаси 2024 йилда тугайди ва у шартномани узайтирмоқчи эмас. "Манчестер Юнайтед" футболчини ёзда жамоани тарк этадиган Поль Погбага ўринбосар сифатида кўрмоқда. Футболчини Манчестер клубидан ташқари "Ювентус" ва "ПСЖ" ҳам кузатиб бормоқда.
27 ёшли сербиялик футболчи 2015 йилда Белгиянинг “Генк” жамоасидан “Лацио”га 12 миллион евро эвазига ўтган эди.
Ярим ҳимоячи жорий мавсумда “бургутлар” сафида барча турнирлар доирасида 42 та ўйинда майдонга тушиб, 9 та гол урди ва 11 та голли узатмани амалга оширди.
