"Манчестер Юнайтед" ҳужумчиси Криштиану Роналду АПЛ 30-туридан ўрин олган учрашувнинг 7-дақиқасида португалияликни қарсаклар билан қўллаб-қувватлаган "Ливерпуль" мухлисларига миннатдорчилик билдирди.
“Бир дунё… Битта ўйин… Битта глобал оила. Раҳмат сизга "Энфильд". Мен ва менинг оилам ушбу ҳурматни ҳеч қачон унутмаймиз", - деди Роналду ижтимоий тармоқда.
Эслатиб ўтамиз, Роналду янги туғилган ўғли вафот этгани учун "Ливерпул"га қарши ўйинни ўтказиб юборган эди.
37 ёшли футболчи жорий мавсумда “Манчестер Юнайтед” сафида 34 та ўйинда майдонга тушиб, 21 та гол ва 3 та голли узатмага муаллифлик қилган.
