Эрик тен Хаг келганидан сўнг, «Манчестер Юнайтед» ўз таркибини жиддий равишда янгилашни режалаштирмоқда.
«Юнайтед»нинг олти нафар футболчиси шартномаларини тугатмоқда, бу эса клубга янги ўйинчиларни таклиф қилиш учун маош буджетининг муҳим қисмини бўшатиш имконини беради. Mirror нашри хабарига кўра, клуб Эрик тен Хагнинг тактикасига ва талабларига тўлиқ жавоб берадиган ўйинчиларни таркибга жалб қилиш учун 200 миллион фунт стерлинг сарфлашга тайёр.
«Вест Хэм»дан Деклан Райс ва «Тоттенхэм»дан Ҳарри Кейн, шунингдек, «Бенфика» ҳужумчиси Дарвин Нуньес ва «Вулверхэмптон» ярим ҳимоячиси Рубен Невеш «Манчестер Юнайтед»нинг ёздаги нишонлари қаторига кирган.
