Журналист Луис Мигелсанснинг хабар қилишича, «Барселона» «Валенсия» вингери Карлос Солернинг ўйинларини диққат билан кузатиб бормоқда. Клуб раҳбарлар футболчини Хави лойиҳаси учун мукаммал вариант деб билишмоқда.

Манбага кўра, клуб уни июнь ойида сотиб олиш масаласи кўриб чиқилмоқда, бироқ каталонияликар кейинги ёзгача, яъни футболчи эркин агентга айлангунча кутиш вариантини ҳам истисно қилмаяпти.

Қолаверса, Солер чап қанот ҳимоячиси Хосе Гайядан кўра, «Камп Ноу»га ўтиши эҳтимоли юқори эканлиги айтилмоқда. Тўғри, Солернинг ўзи «кўршапалаклар» билан шартномани узайтириши мумкин, чунки у клубдан жуда миннатдор ва шунинг учун у ерни текинга тарк этишни истамайди.