Ўзбекистон кубоги мусобақасида гуруҳ босқичи якунига етди. Олтита гуруҳда дастлабки 2та ўринни эгаллаган жамоалар ҳамда 3-ўрин банд этган клублар орасида энг яхши 2та натижа соҳиби плей-офф босқичига йўл олишди.

Улар сафига нимчорак финалда "Пахтакор" ва "Насаф" клублари қўшилишади. Демак, қуйидаги 16та жамоа 1/8 финалдан ўз иштирокларини давом эттиришади.

1-ўринни эгаллаган жамоалар: «Навбаҳор», «ОКМК», «Қўқон-1912», «Сўғдиёна», «Турон», «Бунёдкор»;
2-ўринни эгаллаган жамоалар: «Қизилқум», «Локомотив», «Машъал», «Андижон», «Олимпик», «Металлург».

Шунингдек, улар орасига «Сурхон» ва «Шўртан» жамоалари энг яхши 3-ўринлар ичида энг яхши натижа қайд этган ҳолда қўшилди.



Осиё Чемпионлар лигасининг гуруҳ босқичида иштирок этувчи клублар – «Пахтакор» ва «Насаф» ҳам мамлакат кубогидаги иштирокини айнан мана шу босқичдан бошлайди.

1/8 финалдан бошлаб то финалга қадар бўлган плей-офф жуфтликларига алоҳида қуръа ташланади.

1/8 финал босқичига қуръа ташлаш маросимида гуруҳ ғолиблари алоҳида саватда бўлади ва улар ушбу босқичда бир-бири билан, шунингдек, Осиё Чемпионлар Лигасининг гуруҳ босқичида иштирок этувчи клублар билан тўқнаш келмайди. Бир ўйиндан иборат учрашувларга ким мезбонлик қилиши қуръа ёрдамида аниқлаб олинади.