O‘zbekiston kubogi musobaqasida guruh bosqichi yakuniga yetdi. Oltita guruhda dastlabki 2ta o‘rinni egallagan jamoalar hamda 3-o‘rin band etgan klublar orasida eng yaxshi 2ta natija sohibi pley-off bosqichiga yo‘l olishdi.

Ular safiga nimchorak finalda "Paxtakor" va "Nasaf" klublari qo‘shilishadi. Demak, quyidagi 16ta jamoa 1/8 finaldan o‘z ishtiroklarini davom ettirishadi.

1-o‘rinni egallagan jamoalar: «Navbahor», «OKMK», «Qo‘qon-1912», «So‘g‘diyona», «Turon», «Bunyodkor»;
2-o‘rinni egallagan jamoalar: «Qizilqum», «Lokomotiv», «Mash’al», «Andijon», «Olimpik», «Metallurg».

Shuningdek, ular orasiga «Surxon» va «Sho‘rtan» jamoalari eng yaxshi 3-o‘rinlar ichida eng yaxshi natija qayd etgan holda qo‘shildi.



Osiyo Chempionlar ligasining guruh bosqichida ishtirok etuvchi klublar – «Paxtakor» va «Nasaf» ham mamlakat kubogidagi ishtirokini aynan mana shu bosqichdan boshlaydi.

1/8 finaldan boshlab to finalga qadar bo‘lgan pley-off juftliklariga alohida qur’a tashlanadi.

1/8 final bosqichiga qur’a tashlash marosimida guruh g‘oliblari alohida savatda bo‘ladi va ular ushbu bosqichda bir-biri bilan, shuningdek, Osiyo Chempionlar Ligasining guruh bosqichida ishtirok etuvchi klublar bilan to‘qnash kelmaydi. Bir o‘yindan iborat uchrashuvlarga kim mezbonlik qilishi qur’a yordamida aniqlab olinadi.