«Манчестер Юнайтед»нинг собиқ ҳимоячиси Яп Стам «қизил иблислар»нинг янги бош мураббийи Эрик тен Хагнинг АПЛга мослаша олишига шубҳа билдирди.

Нидерландиялик собиқ футболчининг айтишича, тен Хагнинг «Аякс»даги тажрибаси уни АПЛдаги муваффақиятини кафолатламайди.

“У "Аякс"да қилган ишни "Манчестер Юнайтед"да ҳам қилади. Ўйлайманки, Нидерландия чемпионати ва АПЛ ўртасида катта фарқ бор. "Аякс" лигада устунлик қилди, буни "Манчестер Юнайтед" мисолида айтиш мумкин эмас" - деди Стам Sky Sports нашрига.

Эслатиб ўтамиз, Эрик тен Хаг Нидерландиядаги мавсуми якунлангач, "Манчестер Юнайтед"нинг янги бош мураббийи бўлади.