"Тоттенхэм" бош мураббийи Антонио Конте "МЮ"га Эрик Тен Хагнинг тайинланиши ҳақида фикр билдирди.
"Албатта, биз катта, жиддий клуб ҳақида гапиряпмиз. Ўтган мавсумни "МЮ" 2-ўринда якунлаганини ва Варан, Санчо ҳамда Криштиану Роналду билан таркибини кучайтирганини унутмаслигимиз керак. Улар кучли таркиб билан ўтган мавсумдан ёмонроқ ўйин кўрсатишаётгани ғалати. Бу Англияда ишлаш осон эмаслигини кўрсатади.
Премьер-лигада савия жуда юқори ва бу ерда ишлаш ҳар қандай мураббий учун жуда оғир. "Ман Юнайтед" бош мураббийи катта босим остида бўлиши табиий, чунки у кубоклар учун курашиши керак. Аммо бу осон бўлмайди, чунки бошқа жамоалар ҳам шуни хоҳлашади", - деди Конте.
