«Барселона» бош мураббийи Хави Ла Лига доирасида «Реал Сосьедад» устидан қозонилган 1:0 ҳисобидаги ғалабадан сўнг ўз фикрларини билдириб ўтди.

«Бу ўйин менга «Вильярреал»га қарши ўйин (3:1) каби энг ёқимсиз таассуротларни берди. Ўйиннинг кўп босқичларида рақиб биздан кўра кўпроқ тўпга эга бўлди, биз майдоннинг ўзимизга тегишли бўлган ярмидан чиқа олмадик. "Реал Сосьедад" - ажойиб жамоа. Биз чарчаганимизни ҳис қилдик, аммо муҳим ғалабага эришдик.

Ростини айтсам, "Реал Сосьедад" кўп жиҳатдан кўпроқ нарсага лойиқ эди. Иккинчи бўлимда улар дурангга лойиқ эди. Лекин якунда шундай муҳим ғалаба бизники бўлди.

Сўнгги ҳафта жуда узоқ ўтди, бизга кўп афсуслар келтирди, лекин бу бизга фойда келтиради.

Биз ҳиссиётлар борасида босим остидамиз, лекин бу яхши ҳолат. Аммо «Барселона»нинг яхши ўйнамасдан ҳам керакли натижа учун кураша олиши - бу янгилик", - деди Хави.