"Ливерпуль" ҳужумчиси Луис Диас жамоа бош мураббийи Юрген Клопп ҳақида гапирди.
“У - ақл бовар қилмайдиган мураббий. Бу мен айтишим мумкин бўлган ягона сўз. Клопп жуда камтар ва хотиржам одам. У барча футболчиларни хурсанд қилишга ҳаракат қилади.
Бу мен учун жуда муҳим. Юрген менга майдонда ўзим ўрганган ишни қилишда давом этишимни айтди. У футболни қувонч ва бахт билан ўйнашимни хоҳлайди", - дея Диаснинг сўзларини келтирмоқда клуб расмий сайти.
Эслатиб ўтамиз, Диас “Ливерпуль”га январь ойида “Порту”дан 67 миллион евро эвазига трансфер қилинган эди.
