Пайшанба куни «Манчестер Юнайтед»нинг янги бош мураббийи номи маълум бўлди. Кутилганидек, бу «Аякс» устозиЭрик тен Хаг эди. Шу сабаб бугун «қизил иблислар» раҳбариятининг бу қарори қанчалик тўғри эканлиги ҳақида фикр юритамиз.
«Манчестер Юнайтед» бош мураббийи тайинланиши билан кўплаб миш-мишларга чек қўйилди. Мавсум давомида бир нечта потенциал номзодлар клубни бошқариши тахмин қилинганди, аммо якунда «Манчестер Юнайтед» икки номзод борасида танлов қилди - Маурисио Почеттино ва Эрик тен Хаг. Ҳар икки мураббийнинг ҳам ўзига хос ижобий ва салбий томонлари бор, лекин «қизил иблислар» раҳбарияти голландиялик мутахассисни танлади.
«Манчестер Юнайтед» Англия Премьер-лигасидаги тенденцияни кўриб чиқиб, тактик мураббийни жамоага таклиф қилишга қарор қилди. Сер Алекс Фергюсон ишдан бўшатилгандан сўнг, манкунианликлар турли мураббийларни, жумладан, таниқли мутахассисларни таклиф қилишди. Бироқ, улар орасида тактик мураббий йўқ эди. Натижада, бу вақт ичида жамоа бир нечта совринларни қўлга киритди, лекин клуб мухлислари ўрганиб қолган чемпионликлардан анча узоқлашиб кетди. Шу сабаб раҳбарият қандайдир ўзгариш қилишга қарор қилди ва «Олд Траффорд»га тактика билан ишлайдиган мутахассисни олиб келишди.
Тен Хаг ўзи тузган тактика эвазига камтарона «Аякс»ни Чемпионлар лигасининг ярим финалига олиб чиқди ва унинг жамоасини ҳал қилувчи баҳсда иштирок этишига бир неча сония тўсқинлик қилди. Ажабланарлиси шундаки, «Аякс» ўшанда Почеттино бошчилигидаги «Тоттенхэм»га имкониятни бой берган. Ўша «Аякс»да ҳозирда «Манчестер Юнайтед»га тегишли бўлган ван де Бек ажралиб турган. Одатда марказий ярим ҳимоячилар бажарадиган функцияларга назар ташласангиз, улар одатдаги тизимдан ташқарида ҳаракат қилишган. Кейин Тен Хаг улар учун бошқача позицияларни ўйлабтопди ва бунинг натижасида ушбу футболчилар ҳамқайсидир маънода рақибҳимоясини ёриб ўтишни уддалай олишди.
Бу йил ҳам Тен Хаг ўша муваффақиятни такрорлашга уриниб кўрди, аммо «Аякс»нинг муаммоси шундаки, клуб таркиби нисбатан ўрта хил эди. Шу сабаб бу мавсумда ҳам амстердамликлар Чемпионлар лигаси гуруҳ босқичида ёрқин ўйин намоён этишган бўлса-да,1/8да камтарона «Бенфика» тўсиғиданўта олишмади. Эҳтимол, кейин тен Хаг катта муваффақиятга эришиш учун яхши имкониятларга эга клуб кераклигини тушунди.
Шунга қарамай, шуни таъкиддлаш керакки, тен Хаг «Манчестер Юнайтед»нинг муваффақиятини аниқ кафолатлаб бермайди. Тактик мураббий сифатида унинг жамоасида яхши савияга эга футболчилар бўлиши жуда муҳим. Сўнгги йилларда «қизил иблислар»нинг трансфер сиёсати селекcияга ўхшамайди, балки клуб обрўси ва маркетинг учун харид қилинди. Бу қайсидир маънода Криштиану Роналдунинг трансфери билан ҳам боғлиқ. Яъни «қизил иблислар» сўнгги пайтлардаги муваффақиятсизликлари сабаб ОАВ эътиборидан четда қола бошлади. Шу сабаб улар жамоага юлдуз футболчи керак эканлигини англашди ва португалиялик футболчининг трансферини амалга оширди. Шунингдек, ўтган мавсум «қизил иблислар»нинг ҳамшаҳари «Манчестер Сити» ҳам КриРони ўз сафига қўшиб олишга ҳаракат қилишди ва инсайд маълумотларган кўра, бу 90% га амалга ошган эди. Бироқ, «МЮ» «шаҳарликлар»дан тезкорроқ ҳаракат қилишди ва Сер Алекс ташаббуси билан Роналдунинг «Олд Траффорд»га ўтишга кўндирди. Бу ҳам қайсидир маънода собиқ юлдузини АПЛдаги асосий рақобатчисига ўтмаслик учун қилинган ҳаракатлар эди.
«Манчестер Юнайтед» тен Хаг бошчилигида бирор нарсага эриша олиши ҳамда оптимал таркибни тузиши учун раҳбариятдан тўлиқ ёрдам олиши керак. «Манчестер Сити»да Пеп Гвардиола ва «Ливерпуль»да Юрген Клопп эркин ҳаракат қилишди ва бир неча мавсумда оптимал таркиб туза олди. Ҳа, баъзида уларнинг харидлари кутилмаган ва жуда қиммат нархдаги трансферлар эди. Аммо ўша трансферлар ўз натижасини бера олса, бу ҳеч нарсани англатмайди.
Бироқ, бу ҳаммаси эмас. Гвардиоланинг обрўси «Манчестер Сити»га келганида ҳам жуда катта эди. Клоппга унчалик ишонч билдирилмаган, аммо барибир у Чемпионлар лигасини юта олди. Шунингдек, у «Ливерпуль» бош мураббийи этиб тайинланганида, аллақачон Бундеслигада ғолиб чиққан эди. Бунинг ажабланарли жойи йўқ, чунки иккаласи ишончни тўлиқ оқлашди. Шу билан бирга, иккала мутахассис ҳам клубдаги биринчи мавсуми унчалик муваффақиятли бўлмаганини эслашитиб ўтишимиз керак.
«Манчестер Юнайтед» раҳбарияти янги мураббийга тўлиқ ишонишга тайёрми? Сабаби, тен Хагдан биринчи мавсумдаёқ мўъжиза кутиш – бу жуда қийин масала.
