"Милан" "Лилль" ярим ҳимоячиси Ренату Саншешни ёзги трансфер ойнаси учун асосий мақсад деб ҳисоблайди, дея хабар беради журналист Никола Скира.
24 ёшли португалиялик ёзда француз клубини тарк этишга тайёр. Трансфер суммаси тахминан 18-20 миллион еврони ташкил қилиши кутилмоқда. Миланликлар футболчининг агенти Хорхе Мендес билан музокараларни бошлаб юборишган.
Футболчи қишда миланликларнинг таклифини рад этган эди.
Эслатиб, Саншешнинг француз клуби билан шартномаси 2023 йилнинг ёзига қадар мўлжалланган.
У жорий мавсумда клуб сафида барча турнирлар доирасида 29 та ўйинда майдонга тушиб, 2 та гол урди ва 5 та голли узатмани амалга оширди.