"Барселона" раҳбарияти ярим ҳимоячи Френки де Йонгнинг клубдаги келажаги борасида қарор қабул қилди, дея хабар берди журналист Жерар Ромеро.
Унга кўра, нидерландиялик футболчига Европанинг бир қатор гранд клубларидан яхши таклифлар бўлишига қарамай, раҳбарият Хави билан маслаҳатлаган ҳолда Де Йонгни жамоада олиб қолишга қарор қилишди.
Қайд этиш жоиз, Френкининг каталонияликлар билан амалдаги шартномаси 2026 йилнинг июнь ойи охиригача тузилган. У жорий мавсум барча турнирларда 42 ўйинда майдонга тушиб, 4 та гол урди ва 5 голли узатмани амалга оширди.
