«Манчестер Сити» ҳужумчиси Габриэль Жезус «Арсенал»га ўтишга яқин турибди. Журналист Хорхе Николанинг ижтимоий тармоқларда хабар беришича, бразилиялик футболчи «канонирлар» билан шартнома борасида келишиб олган.
Аввалроқ, «Манчестер Сити» Жезусни трансферга қўйгани маълум бўлган эди. Қайд этилишича, энди «Арсенал» бразилиялик учун товон пули миқдорини «шаҳарликлар» билан келишиб олиши керак.
Агар «Манчестер Сити» Жезусни муносиб пул эвазига қўйиб юборишдан бош тортса, «Арсенал» ҳеч кимни мажбурламайди ва 2023 йилнинг ёзигача кутади.
Айнан шу вақтда бразилияликнинг клуб билан шартномаси ниҳоясига етади, яъни «Арсенал» уни эркин агент сифатида олиши мумкин.
