Римнинг "Рома" клуби бош мураббийи Жозе Моуриньо «Интер»га қарши ўйин олдидан ташкил этилган матбуот анжуманида иштирок этмади.
Corriere dello Sport нашрининг тарқатган хабарига кўра, «Рома» бош мураббийи «Наполи» жамоасига қарши сафар ўйинидан кейин (1:1) танқид қилган ҳакамлар ҳақидаги саволлардан қочмоқчи бўлган.
Қайд этилишича, эртанги «Интер» билан ўйинга ҳакам Симоне Соцца тайинлангани ҳам баҳс-мунозараларга сабаб бўлган ва Моуриньо бу ҳақда изоҳ беришни истамаган.
Португалиялик мутахассис «Интер» билан ўйин сўнг журналистлар билан суҳбатлашиш учун тайёр бўлади.
«Интер» – «Рома» учрашуви 23 апрель куни Тошкент вақти билан соат 21:00 да бошланади.
