Аёллар футболида мухлисларнинг ташриф буюриш бўйича жаҳон рекорди ўрнатилди.

«Камп Ноу»да бўлиб ўтган «Барселона» ва «Вольфсбург» (5:1) аёллар ўртасидаги Чемпионлар Лигаси ярим финал учрашувига 91 648 томошабин ташриф буюрди - бу янги жаҳон рекорди.

Бундан олдинги рекорд ҳам «Барселона» ўйинида ўрнатилганди: 30 март куни «Реал»нинг аёллар жамоасига (5:2) қарши Чемпионлар лигаси ўйинига 91 553 томошабин ташриф буюрганди.

Бунгача энг яхши ташриф Пасаденада 1999 йилги Жаҳон чемпионатининг АҚШ ва Хитой терма жамоалари ўртасидаги финал учрашувида қайд этилган эди. Ўша ўйинга 90 185 киши келганди.