ОЧЛнинг 5-тур доирасида бўлиб ўтган "Сепахон" - "Пахтакор" (2:1) жамоалари ўртасидаги учрашувдан кейин ташкил этилган матбуот анжуманида "Пахтакор" бош мураббийи Славче Войнески иштирок этди.
"Бу футбол ва унда ўта қулай вазиятлардан фойдалана олмасанг, шундай ютқазиб қўйишинг мумкин. Бу оддий ўйин. Ғалаба учун гол уриш керак. Урмасанг рақиб жазолайди. Омад ҳам биз тарафда бўлмади. "Духайл" билан ва бугунги ўйинда қанчалик кўп вазиятлар яратдик. Ғалаба учун бемалол етарли эди. Футболчилар охиригача курашишди, жонларини беришди. Улардан миннатдорман. Мусобақа мобайнида омадсиз бўлдик.
"Сепахон" яхши жамоа. Ҳимояда жипс ва тартибли ўйнайди. Ўз имкониятларидан фойдаланиб, жазолаб кета олади. Улар имкониятни сақлаб қолишди ва курашни давом эттиради" - деди Славче Войнески
