OCHLning 5-tur doirasida bo‘lib o‘tgan "Sepaxon" - "Paxtakor" (2:1) jamoalari o‘rtasidagi uchrashuvdan keyin tashkil etilgan matbuot anjumanida "Paxtakor" bosh murabbiyi Slavche Voyneski ishtirok etdi.
"Bu futbol va unda o‘ta qulay vaziyatlardan foydalana olmasang, shunday yutqazib qo‘yishing mumkin. Bu oddiy o‘yin. G‘alaba uchun gol urish kerak. Urmasang raqib jazolaydi. Omad ham biz tarafda bo‘lmadi. "Duxayl" bilan va bugungi o‘yinda qanchalik ko‘p vaziyatlar yaratdik. G‘alaba uchun bemalol yetarli edi. Futbolchilar oxirigacha kurashishdi, jonlarini berishdi. Ulardan minnatdorman. Musobaqa mobaynida omadsiz bo‘ldik.
"Sepaxon" yaxshi jamoa. Himoyada jips va tartibli o‘ynaydi. O‘z imkoniyatlaridan foydalanib, jazolab keta oladi. Ular imkoniyatni saqlab qolishdi va kurashni davom ettiradi" - dedi Slavche Voyneski
