"Милан"га эгалик қилувчи Elliot Managment Corporation клубни сотишга тайёр, деб хабар беради La Gazette Dello Sport.
Манбага кўра, Баҳрайн Investcorp инвестиция фонди "Милан"ни сотиб олмоқчи. Elliot Managment клубни 1,1 миллиард еврога баҳоламоқда ва ундан 10 фоиз улушини ўзида сақлаб қолмоқчи. Томонлар апрель ойи охиригача келишувга эришишлари мумкин.
Investcorp "россонери" бош директори Иван Газидисни ишдан бўшатишни режалаштирмоқда. Шу билан бирга, "қизил-қоралар"нинг бўлажак эгалари спорт директори Рики Массара ва техник директор Паоло Малдинини клубда сақлаб қолишни исташмоқда.
